PERSONEELNUUS

Op Saterdag 31 Maart het Joanne Els (Salarisse en Lone Administrateur) aan die Old Mutual Two Oceans Ultra Marathon van 56km deelgeneem.  Dit is deel van haar voorbereiding vir haar 6de Comrades waaraan sy later hierdie jaar gaan deelneem.  Sterkte Joanne!

Op Saterdag 21 April en Sondag 22 April het Jacobus Maree en Hendrik Rabie (beide Direkteure) aan die Cederberg 100 miler vanaf Clanwilliam na Kaleo deelgeneem.  Jacobus het van al die deelnemers 14de geeïndig, terwyl Hendrik die 31ste plek behaal het.  Veels geluk menere, ons is trots op julle.  Amanda Swarts, Belastingbeampte, het ook langs die pad diens gedoen!

Op 23 April het ons afskeid gehou.  Van Dyk Cilliers en Zuleka Lategan het vir Van Dyk Cilliers Consulting kantoorspasie in ons gebou gehuur en omtrent deelgeword van die familie.  Hulle spasie het wel beperk geword en vandaar skuif hulle na groter kantore.  Ons beste wense vergesel hulle vir die pad vorentoe.

Marlise Loubser was vanaf 1 Februarie 2018 vir ‘n vaste termyn as Rekenmeester by ons aangestel.  Haar laaste werksdag was 26 April 2018.  Marinda Mostert, Salarisse en Lone Administrateur, se laaste werksdag was 13 April 2018.  Ons beste wense vergesel vir beide Marlise en Marinda vir die toekoms vorentoe.

Op 25 Mei gaan ons Tekkie Tax ondersteun en ‘n Spanbou word ook in Mei beplan.